XL-da 6 ay çıxış etdi, hamıdan fərqləndi (FOTO)

Ötən mövsümün ikinci yarısını "Xəzər Lənkəran"da keçirmiş Adrian Manuel Skarlatake özünə yeni avtomobil alıb. Azerisport.az Rumıniya mətbuatına istinadən xəbər verir ki, 24 yaşlı müdafiəçi bu dəfə BMW-nin ən son 7-ci seriyasından olan mais alıb.

Rumıniyalı həmkarlarımız iddia edir ki, Azərbaycan Kubokunu qazanmaları müqabilində "Xəzər Lənkəran"ın hər bir futbolçusu təqribən 50 min avro mükafat alıb. Bundan sonra rumıniyalı futbolçu avtomobilini dəyişməyə qərar verib. Əvvəllər o, Daxili İşlər Nazirliyində yüksək rütbəli zabit kimi çalışan atasının aldığı 30 min avroluq "Portiac" sürürmüş. "Xəzər Lənkəran"ın verdiyi mükafatdan sonra isə o, 80 min avroluq BMW alıb. Yeni avtomobilinin qarşılığında Skarlatake "Pontiac"ından və 50 min avrosundan keçib.

 

Xəbərdə o da bildirilir ki, "Xəzər Lənkəran"la 6 aylıq icarə müddəti başa çatdığı üçün Adrian Skarlatake müqavilə üzrə məxsus olduğu Buxarest "Dinamo"suna qayıdıb. Onun avtomobili isə "Dinamo"nun avtoparkında hazırda ən bahalı maşındı.