19 iyun 2011 15:14
Patrik Vyeyra Toni Adamsla birgə çalışmaqdan imtina etdi
İtaliyanın “Milan”, “İnter”, “Juventus”, İngiltərənin “Arsenal” və “Manchester City” kimi aparıcı klublarında top qovmuş Fransa yığmasının sabiq yarımmüdafiəçisi Patrik Vyeyra Toni Adamsla birgə “Qəbələ”də işləməkdən imtina edib. Azerisport.az xəbər verir ki, bu il Mançester klubundan azad agent kimi ayrılan dayaq yarımmüdafiəçisi Adamsdan da təklib alıb.
Lakin 35 yaşlı fransalı ulduz Adamsın dəvətini qəbul etməyib. Məsələ burasındadı ki, Fransa millisinin heyətində dünya və Avropa çempionu adını qazanmış futbolçu hazırda daha çox keçmiş komanda yoldaşı Tyerri Anri ilə birgə “New York Red Bulls” klubunda daha bir il top qovmaq variantına daha isti yanaşır.
ABŞ çempionatında çıxış etmək istəyi alınmasa da belə, məşqçilik fəaliyyətinə başlamağı hədəfləyən Vyeyra Adamsın təklifindən daha çox Azərbaycanda yaşamağı arzulamadığı üçün imtina etdiyini dilə gətirib.
(DailyStar)
