20 iyun 2011 15:50
Arif Əsədov: İlk oyunun harda keçirilməsi mənə vacib deyil
“Neftçi”nin baş məşqçisi Arif Əsədov Çempionlar Liqasının iki təsnifat mərhələsinin püşkatması nəticəsində “Dinamo” (Zaqreb) ilə baş tutacaq oyunla bağlı fikirlərini bölüşüb. Azerisport.az-a müsahibəsində o, bunları dilə gətirib:
“Bilirdik ki, güclü rəqiblə üzləşə bilərik və elə də oldu. “Dinamo” ölkəsinin tanınmış klubudu və güclü oyunçuları var. Bir neçə il qabaq xorvatlar “Xəzər Lənkəran”la qarşılaşıblar. O vaxtdan xeyli müddət keçib və düşünürəm ki, heyət dəyişib. Ancaq məni rəqibin yox, komandamın oyunu qayğılandırır. Biz Çempionlar Liqasının startına planlı şəkildə hazırlaşırıq və bu dəqiqədən etibarən rəqib haqda informasiya toplayacağıq. Mənə həmçinin ilk oyunun harda keçirilməsi vacib deyil”, deyə Əsədov bildirib.
Xatırladaq ki, ilk oyun Zaqrebdə baş tutacaq.
