20 iyun 2011 18:46
XL üçün qocaman və titullarla zəngin rəqib
Avropa Liqasının ikinci təsnifat mərhələsində "Xəzər Lənkəran"ın rəqibi olacaq İsrailin "Maccabi" (Təl-Əviv) klubu 1906-ci ildə yaradılıb. Azerisport.az xəbər verir ki, bu il 105 yaşı tamam olan komandanın ləqəbi "sarılar"dı.
Ötən mövsümü 3-cü pillədə tamamlayan "Maccabi" ölkəsinin ən titullu klublarındandı. 20 dəfə İsrail çempionluğunu bayram edən (1923, 1929, 1936, 1937, 1942, 1947, 1950, 1952, 1954, 1956, 1958, 1968, 1970, 1972, 1977, 1979, 1992, 1995, 1996, 2003-cü illərdə) bu komanda 22 dəfə də İsrail Kubokunun qalibi (1929, 1930, 1933, 1941, 1946, 1947, 1954, 1955, 1958, 1959, 1964, 1965, 1967, 1970, 1977, 1987, 1988, 1994, 1996, 2001, 2002, 2005-ci illərdə) olub. "Maccabi" həm də 1969 və 1971-ci illərdə klublar arasında Asiya çempionluğunu, 1977 və 1979-cu illərdə İsrail Super Kubokunu qazanıb.
İsrail paytaxtını təmsil edən komanda ev oyunlarını 14700 azarkeş tutumu olan "Bloomfield" stadionunda keçirir. Klubun sahibi və prezidenti Mitşell Qoldar, baş məşqçisi israilli Motti İvanirdi. O, inliyədək "Beytar", "Makkabi" (Netanya), "Hapoel" (Beer Şeva), "Hapoel" (Çfar Saba), "Hapoel" (Ramat Qan), "Hakoah", "Beytar", "Hapoel" (Nazaret) klublarına, İsrail U-17-si və U-21-nə başçılıq edib.
Komandanın oyunçularından Rahamin Şaban, Barak Yitsaki, Yuval Avidor, Maor Bar Buzaqlo, Yoav Ziv, Roberto Damian və Avraam Strool vaxtaşırı İsrail yığmasına dəvət alır.
Komandanın heyətində 4 legioner var. Onlardan bosniyalı Haris Medunyanin və çernoqoriyalı Savo Paviceviç ölkələrinin yığmasına dəvət alır. Bundan başqa komandada seneqallı Mussa Konate və braziliyalı Nivaldo da çıxış edir.
Ötən mövsüm komandanın ən sərrast futbolçusu 24 yaşlı Atar Eliran olub. 33 oyunda meydana çıxan hücumçu 15 dəfə rəqib komandaları məyus etməyi bacarıb.
