20 iyun 2011 19:27
AZAL üçün debütant sınağı
UEFA Avropa Liqasının birinci təsnifat mərhələsində AZAL-ın rəqibi olacaq Belorusun "Minsk" klubunun əsası 2006-cı ildə qoyulub. Azerisport.az xəbər verir ki, ötən mövsümü 3-cü pillədə başa vuran paytaxt təmsilçisinin cəmi 5 yaşı var və qısa tarixi ərzində ilk dəfə Avropa Liqasında çıxış etmək hüququ qazanıb.
"Minsk" ev oyunlarını 36900 azarkeş tutumu olan "Dinamo" stadionunda keçirir. Komandanın baş məşqçisi Vitali Tarakanovdu.
Komandanın heyətində 5 legioner çıxış edir. Belə ki, litvalılar - Simas Skinderis və Donatas Navikas, ukraynalı İhor Voronkov, Kot D-İvuardan Tayna Adama Soro ilə yanaşı, erməni Andrey Xaçaturyan da bu komandada çıxış edir. O, erməni olsa da, Belarus vətəndaşıdı və U-19-da üç oyun keçirib.
"Minsk"in oyunçularından Dmitri Şkaqrikoviç, Dianis Saşçeka, Yaven Laşankov, Kirill Pavlyuçek, Mikalay Asipoviç, Siarhey Koşal əvvəllər ölkə yığmasına dəvət alıb. Raman Vasilyuk hazırda da yığmada oynayır. Artyom Raxmanav isə U-21-ə çağırılır.
