21 iyun 2011 00:08
Qarabağ millinin oyunçusu ilə yollarını ayırdı
“Qarabağ” daha bir futbolçusu ilə yollarını ayırıb. Azerisport.az xəbər verir ki, Ağdam klubu Litva millisinin futbolçusu Andrey Rubinlə əməkdaşlığa son qoymağa qərar verib.
Belə ki, klub rəhbərliyi müqaviləylə ona məxsus olan futbolçuya özünə yeni komanda tapmağı məsləhət görüb. Məhz bu səbəbdən futbolçunun adı dünən UEFA-ya göndərilən sifariş ərizəsində yer almayıb.
Qeyd edək ki, Rubin “Qarabağ”a böyük ümidlərlə ötən ilin bu vaxtlarında Bakı “İnter”dən transfer edilmişdi. Lakin latviyalı futbolçu Ağdam klubunda Qurban Qurbanovun etimadını qazana bilmədi və əsas heyətə düşməkdə çətinlik çəkdi.
