21 iyun 2011 00:03
Qarabağ Avroliqaya 23 futbolçu ilə start verəcək
Ölkəmizi Avropa Liqasında təmsil edəcək “Qarabağ” bu turnirin birinci mərhələsi üçün iştirak ərizəsini UEFA-ya təqdim edib. Azerisport.az xəbər verir ki, baş məşqçi Qurban Qurbanov siyahıya 23 futbolçunun adını daxil edib.
Onlardan da üçü yeni futbolçudu. Söhbət aşağı yaş qruplarından əsas komandaya cəlb edilmiş Elgiz Kərimli ilə Kamil Hüseynovdan, eləcə də “Qarabağ”ın yeni transferi olan Bəxtiyar Soltanovdan gedir.
Ümumilikdə, UEFA-ya göndəriləcək siyahıya aşağıdakı futbolçuların adları daxil edilib:
Qapıçılar: Fərhad Vəliyev, Boyan Pavloviç, Osman Umarov;
Müdafiəçilər: Qara Qarayev, Zaur Həşimov, Maksim Medvedyev, Admir Teli, Ansi Aqolli, Elgiz Kərimli, Kamil Hüseynov, Rəşad Sadıqov;
Yarımmüdafiəçilər: Namiq Yusifov, Emin İmaməliyev, Əfran İsmayılov, Georgi Adamiya, İlqar Qurbanov, Rəşad Sadiqov, Nderim Necipi, Bəxtiyar Soltanov, Tural İsgəndərov;
Hücumçular: Vüqar Nadirov, Rauf Əliyev, Murad Səttarlı.
