21 iyun 2011 20:50
Neftçi Metallurg`u 3 cavabsız qolla yendi (YENILƏNİB)
Azərbaycan çempionu “Neftçi” Türkiyədə təşkil olunan təlim-məşq toplanışı çərçivəsində bu gün ilk yoxlama matçını keçirib. Azerisport.az xəbər verir ki, son Azərbaycan çempionu ölkəmizi təmsil edəcəyi Çempionlar Liqasına hazırlıq çərçivəsində Ukrayna təmsilçisi “Metallurg”la yoldaşlıq görüşündə üz-üzə gəlib.
Qeyd edək ki, Zaporojye təmsilçisi ilə görüş Türkiyənin İsparta şəhərində baş tutdu. Qarşılaşmanın ilk dəqiqələrindən daha güclü olduğunu isbatlayan Arif Əsədovun komandası rəqibi üzərində böyükhesablı qələbəyə sevinib. “Metallurg”un son mövsümdə Ukrayna çempionatının yüksək dəstəsində sonuncu pilləni tutaraq, elitanı tərk etdiyini də vurğulayaq.
Maraq üçün xatırladaq ki, “İnter” də iyunun 23-də artıq xeyli müddətdi Sparta şəhərində hazırlıqlarını davam etdirən “Neftçi”nin yanına gedəcək və 29-da “Metallurg”la sınaq matçı keçirəcək. "Neftçi" isə bu sınaq matçı ilə Türkiyə toplanışına yekun vurdu və sabah Bakıya qayıdır.
Yoldaşlıq oyunu
21 iyun
Neftçi - Metallurg - 3:0 (2:0)
Qollar: Rəşad Abdullayev, 5 (1:0), Flavinyo, 21 (2:0), Denis Silva, 65 (3:0)
Matçın 5-ci dəqiqəsində Rəşad Abdullayev cərimə zərbəsindən qapını dəqiq nişan alır
Bundan bir neçə dəqiqə sonra Bahodir Nasimova qarşı kobudluq olsa da, türkiyəli hakim penalti təyin etmir
21-ci dəqiqədə Flavinyo dəqiq zərbə ilə ikinci qolu vurur
65-ci dəqiqədə hücuma qoşulan Denis Silva da ukraynalıların qapısına yol tapır
