21 iyun 2011 16:24
Muğan`ın baş məşqçisi rəsmən Rəvan`da
Premyer Liqamızda daha bir klub baş məşqçisiz qalıb. Azerisport.az xəbər verir ki, Bəhmən Həsənov “Muğan”ı tərk edib.
Həsənovun bu addımı atmasına onun yenicə Premyer Liqaya yüksələn debütant “Rəvan”la anlaşması olub. Tərəflər arasında aparılan danışıqlar bu gün müsbət sonluqla bitib və Bəhmən Həsənov paytaxt klubuyla bir illik müqavilə imzalayıb. Lakin razılığa əsasən, gələcəkdə müqavilənin müddətini artırılması da bənd kimi müqaviləyə daxil edilib.
Qeyd edək ki, Bakını təmsil edən “Rəvan”ı Premyer Liqaya Vladislav Qədirov çıxarmışdı. Lakin birinci divizionda ötən mövsüm başa çatan kimi o, baş məşqçi postundan istefa verərək, klubun icraçı-direktoru təyin olundu. Məhz ondan sonra baş məşqçi axtarışlarına start verən komanda göründüyü kimi Həsənovla anlaşdı.
İndi isə "Muğan"ı kimin çalışdıracağı qaranlıq qalmaqdadı. Maraq üçün qeyd edək ki, bu posta namizəd xeyli yerli işsiz mütəxəssis olsa da, Salyan klubunun rəhbərliyinin necə seçim edəcəyi bilinmir.
