22 iyun 2011 15:30
İnter Kruqlovla da yollarını ayırdı
"İnter" daha bir futbolçusu ilə yollarını ayırıb. Azerisport.az xəbər verir ki, "bankirlər" Dmitri Kruqlovla da vidalaşıb.
Klubun yaydığı rəsmi açıqlamaya görə, eston futbolçunun müqaviləsi başa çatıb və onunla yeni anlaşma imzalamamaq qərarına gəlinib. "İnter" rəhbərliyi Kruqlova karyerasında uğurlar arzulayıb.
Qeyd edək ki, 27 yaşlı Kruqlov karyerasına 2008-ci ildə "Neftçi"yə icarəyə verilib (10 oyun, 2 qol). "Neftçi" 2008-ci ildə eston futbolçunu transfer edib və o, 2010-cu ilin yayına qədər paytaxt klubunda oynayıb (53 oyun, 3 qol). 2010-un yayından indiyədək "İnter"də çıxış edən Kruqlov 25 oyunda meydana çıxaraq 2 qola imza atıb. Estoniya yığmasında 58 oyun keçirən futbolçu 1 qol vurub.
"İnter"in bundan əvvəl David Odikadze, Kaxaber Mjavanadze, Filip Despatovski, Tofiq Mikayılov, Səbuhi İsmayılov, Camal Məmmədov, Nizami Hacıyev, Jivko Jelev, Mario Souza, Bronislav Çervenka, Danildo Assioli, Rövşən Əmiraslanov və Aleksandr Çertoqanovla yollarını ayırdığını da qeyd edək.
