22 iyun 2011 20:54
Minsk AZAL-ın təklifindən imtina etdi
AZAL rəhbərliyi Belarusun “Minsk” klubuna ünvanladığı müraciətə istədiyi cavabı ala bilməyib. Azerisport.az xəbər verir ki, paytaxt klubu Avropa Liqasının birinci təsnifat mərhələsində qarşılaşacağı bu rəqiblə ilk oyunun səfərdə keçirilməsini istəsə də, belaruslular bununla razılaşmayıb.
Qeyd edək ki, əslində püşkatma zamanı AZAL-ın ilk oyunu səfərdə keçirməsi məlum oldu. Lakin sonradan “Qarabağ”ın da həmin gün Litva “Banga”sı ilə səfərdə oynamasını nəzərə alan UEFA hər iki klubumuzun ev matçının iyunun 7-də keçirilməsinə imkan vermədi. Belədə AZAL-ın “Minsk”lə ilk oyunu Bakıya, cavab oyunu isə səfərə salındı. Bu isə təbii ki, litvalılara müəyyən üstünlük qazandırmış oldu.
AZAL bu gün UEFA-ya müraciət edib, Tofiq Bəhramov adına Respublika stadionu ilə öz arenası arasındakı məsafənin uzaq olduğunu, iki oyunun eyni vaxtda Bakıda keçirilməsinin təşkilatçılıq məsələlərində problem yaratmayacağını əsaslandırmağa çalışsa da, qitə futbol qurumu qarşı tərəfin razılığının vacib olduğunu bildirmişdi. Lakin göründüyü kimi, “Minsk” tərəfi də AZAL-ın bu təklifini qəbul etməyib. Qeyd edək ki, paytaxt klubu müraciətində arenasında kiçik təmir işləri aparılmasını göstərərək, ilk oyunun Minskdə baş tutmasını xahiş etmişdi.
Bu cavabdan sonra artıq AZAL-ın “Minsk”lə ilk oyununu evdə, cavab görüşünü səfərdə keçirəcəyi dəqiqləşib.
