23 iyun 2011 00:05
UEFA AZAL-Minsk matçını latviyalılara həvalə etdi
UEFA Avropa Liqasının birinci təsnifat mərhələsində Azərbaycanın AZAL və Belarusun “Minsk” klubları arasında keçiriləcək ilk matçın keçirilmə yeri, başlama saatı, eləcə də oyunu idarə edəcək baş hakimin kimliyi dəqiqləşib. Azerisport.az xəbər verir ki, artıq Bakıda baş tutacaq görüşlə bağlı əsas məqamlar demək olar ki, müəyyənləşib.
Belə ki, AZAL-ın stadionunda keçiriləcək qarşılaşma saat 20:00-da start götürəcək. Təmsilçimizin doğma meydandakı matçını latviyalı hakimlər briqadası idarə edəcək. Belə ki, UEFA Bakıya Andris Treymanisin rəhbərlik etdiyi ədalət təmsilçilərini göndərməyə qərar verib.
Qeyd edək ki, bu komandalar arasındakı cavab matçı bir həftə sonra səfərdə - Minskin “Dinamo” stadionunda keçiriləcək. Lakin həmin görüşün start vaxtı, eləcə də baş hakimi açıqlanmır.
