23 iyun 2011 01:36
Abşeron baş məşqçi və məkan dəyişikliyindən imtina etdi
Birinci divizionun çempionu, yeni mövsümdən Premyer Liqada çıxış edəcək “Abşeron” baş məşqçi dəyişikliyinə əl atmayacaq. Azerisport.az xəbər verir ki, mövsüm başa çatandan bəri çoxları komandanın çalışdırıcısı Mirbağır İsayevin komandadan gedəcəyini, onun başqasıyla əvəzlənəcəyini iddia etsə də, bu, baş tutmayacaq.
Çünki klub rəhbərliyi baş məşqçisini saxlamağa üstünlük verib. Halbuki, onun əvəzində İqor Ponomaryov və Şahin Diniyevi gətirəcəkləri iddia olunurdu. Lakin rəhbərlik İsayevlə yeni müqavilə bağlamağa və onu komandada saxlamağa çalışır.
Qeyd edək ki, klub rəhbərliyi Sumqayıtı təmsil etməkdən də imtina edib. Halbuki, “Abşeron”un sponsor dəyişikliyinə əl atmaqla “gənclər şəhərinə” köçəcəyi bildirilirdi. Lakin komanda Premyer Liqada da elə Bakını təmsil edəcək.
