23 iyun 2011 17:21
AZAL - Minsk matçının bütün təyinatları açıqlandı
Avropa Liqasının birinci təsnifat mərhələsinin ilk oyunları çərçivəsində keçiriləcək AZAL – “Minsk” (Belarus) oyununu idarə edəcək hakimlər, eləcə də hakim-inspektor və UEFA nümayəndəsinin tam siyahısı müəyyənləşib. Azerisport.az xəbər verir ki, dünən Bakıda keçiriləcək bu oyun üçün yalnız baş hakim Andris Treymanisin adı açıqlansa da, artıq onun köməkçiləri də bəllidi.
Belə ki, Treymanisə onun həmyerliləri Harald Gudermanis, Aleksey Spasjonnikov və Vadim Direktorenko yardım edəcək. Hakimlər briqadasının bütün üzvləri Latviyadandı.
AZAL – “Minsk” görüşünün hakimlərinə macarıstanlı hakim-inspektor Ferenc Szekeli qiymət verəcək. UEFA nümayəndəsi funksiyasını isə Patrik Uottebled (Fransa) yerinə yetirəcək.
Qeyd edək ki, AZAL-ın "Minsk"lə ilk oyunu iyunun 30-da Bakıda, komandamızın öz stadionunda keçiriləcək və saat 20:00-da start götürəcək.
