23 iyun 2011 18:09
Arminas Narbekovas: Qarabağ Barcelona, Banga da Qarabağ deyil
Litvanın “Banga” klubunun baş məşqçisi Arminas Narbekovas azerisport.az saytına müsahibəsində Avropa Liqasının birinci təsnifat mərhələsindəki rəqibləri olan Azərbaycanın “Qarabağ” klubunu və növbəti mərhələyə adlamaq şanslarını dəyərləndirib.
- Ondan başlayaq ki, UEFA sizə “Qarabağ”ı doğma Qarqjdayda qəbul etməyə icazə verdi. Yəqin ki, sizin üçün yaxşı xəbər oldu?
- Bizim üçün bu, çox mühüm məsələdi. Bizim şəhərciyimiz çox kiçikdi və o, futbolla nəfəs alır. “Qarabağ”la oyunumuzda rekorda azarkeş sayının qeydə alınacağı gözlənilir. Hamı intizarla avrokuboklardakı ilk ev oyunumuzu gözləyir.
- Artıq püşkatmadan bir neçə gün keçib. “Qarabağ” haqda nə öyrənə bilmisiz?
- Bəli, bizim artıq rəqib haqda xeyli informasiyamız var. Ötən mövsümkü oyunlarına, qollarına baxmışıq.
- Elə isə Ağdam klubunu necə dəyərləndirərdiz?
- Dərhal görünür ki, bizim bəxtimizə güclü komanda düşüb. Amma bunu elə püşkatmadan sonra da bilirdik. Şübhəsiz, bizi çox çətin oyunlar gözləyir. Əgər komanda iki il ardıcıl qrup mərhələsinə kimi irəliləyə bilibsə, deməli yüksək səviyyəli komandadı. Onlar bilirlər avrokuboklarda necə oynamaq lazmdı.
- Dərhal görünür ki, bizim bəxtimizə güclü komanda düşüb. Amma bunu elə püşkatmadan sonra da bilirdik. Şübhəsiz, bizi çox çətin oyunlar gözləyir. Əgər komanda iki il ardıcıl qrup mərhələsinə kimi irəliləyə bilibsə, deməli yüksək səviyyəli komandadı. Onlar bilirlər avrokuboklarda necə oynamaq lazmdı.
- Rəqibi öyrənərkən digər Azərbaycan klublarından fərqli “Qarabağ”da əsasən yerli futbolçuların üstünlük təşkil etməsi təəccüblü görünmədi ki?
- Qətiyyən yox. Azərbaycanlılar futbol oynamağı bacarırlar. Onlar bunu hələ Sovet dönəmində də sübut ediblər.
- Qətiyyən yox. Azərbaycanlılar futbol oynamağı bacarırlar. Onlar bunu hələ Sovet dönəmində də sübut ediblər.
- Çoxları sizin “Qarabağ”la dueldə şanslarınızın az olduğunu düşünür. Bu, sizi təşvişə salmır?
- Əlbəttə, yox. Biz, sadəcə avrokuboklardakı ilk addımlarımızı atırıq. Çox istəyirdik ki, bir az zəif rəqiblə düşək. Amma bəxtimizə güclüsü düşdü. Oynamalı olacağıq, orda baxarıq.
- “Qarabağ”la oyun öncəsi sizi Litva çempionatında “Jalgiris”lə oyun gözləyir. Bu oyun sizin avrokuboklar öncəsi gücünüzü azaltmayacaq ki?
- Fikrimcə, yox. Hazırda bizim 5 oyunluq uğurlu seriyamız var. Biz Avroliqa ilə yanaşı çempionatda da uğurlu çıxış etməyə çalışırıq. Uğurlu seriyamızın davamını gətirmək istəyirik. “Qarabağ”la oyunlara gəlincə, orda işim az olacaq. O mənada ki, uşaqları motivasiya etmək üçün əlavə nəyəsə ehtiyac qalmayacaq. Onlar artıq indidən yanırlar.
- Qormursuz ki, bu, həddən çox ola bilər?
- Siz bilirsiz ki, hər şey olar bilər. Amma bu, artıq mənim işimdi. Bizim “Qarabağ”la iki oyunumuz var. Hər şeyin necə olacağını isə sizə iyunun 8-də deyə bilərəm (gülür).
- Siz bilirsiz ki, hər şey olar bilər. Amma bu, artıq mənim işimdi. Bizim “Qarabağ”la iki oyunumuz var. Hər şeyin necə olacağını isə sizə iyunun 8-də deyə bilərəm (gülür).
- Sizin gənc və debütant komandanız Azərbaycan ən təcrübəli klubu ilə üz-üzə: bu, sizi çəkindirmir?
- Buna görə də, gənc futbolçularla daha çox işləməyimiz lazım gəlir. Amma təcrübəlilər güclərini hara sərf etmək lazım olduğunu gözəl bilirlər. Odu ki, təcrübə amili azərbaycanlıların tərəfindədi. Litva futbolu ilə müqayisədə Azərbaycanda daha çox pul yatırılmaqdadı. Çox təəssüf ki, bizdə elə deyil. “Qarabağ”ı “Barcelona” ilə müqayisə etmək olmadığı kimi, “Banga”nı da “Qarabağ”la müqayisə etmək mümkünsüzdü.
