23 iyun 2011 00:48
Kazbek Tuayev klublarımızın avrokubok şanslarını dəyərləndirdi
AFFA İcraiyyə Komitəsinin üzvü Kazbek Tuayev azerisport.az saytına müsahibəsində UEFA Çempionlar Liqasının və Avropa Liqasının yeni mövsümlərinin birinci və ikinci təsnifat mərhələlərində rəqibləri müəyyənləşən Azərbaycan klublarının şanslarını dəyərləndirib.
- Püşkün nəticələrini klublarımız üçün necə qiymətləndirirsiz?
- Belə deyək: nə çox pis, nə də çox yaxşı. Hamı deyir ki, guya klublarımız bütün rəqiblərini asanlıqla keçə biləcəklər. Bunlar hamısı səfeh açıqlamalardı. Hələ bilmirlər rəqibləri kimlərdi, amma yüksəkdən danışırlar. Düzdü, istənilən rəqibi keçmək olar. Amma ona hərtərəfli qaydada hazırlaşmaqla, hazır olmaqla.
- Şanslar sizcə necədi?
- Ən asan rəqib AZAL-dadı. Ümumiyyətlə “Minsk” nə komandadı ki? Belarus çempionatında 6-cı yerdə gedir. Nəyinsə hesabına gəlib Avropa Liqasına düşüb. Nazim Süleymanovun yetirmələri onları keçməyə borcludu.
- Ən asan rəqib AZAL-dadı. Ümumiyyətlə “Minsk” nə komandadı ki? Belarus çempionatında 6-cı yerdə gedir. Nəyinsə hesabına gəlib Avropa Liqasına düşüb. Nazim Süleymanovun yetirmələri onları keçməyə borcludu.
- Bəs “Neftçi”nin şanslarını necə qiymətləndirirsiz?
- Elə ən yaxşısı güclü komanda ilə başlamaqdı. Bax indi “Neftçi” əsl gücünü göstərmiş olacaq. Zaqreb “Dinamo”su ilə oyunda heç əlavə motivasiyaya ehtiyac da yoxdu. Əgər komandanın qarşısına yüksək vəzifə qoyulubsa, onda xorvatları keçməlidilər. Əvəzində sonrası asan olacaq.
- Belə rəqibə qarşı səfərdə necə oynamağı məsləhət görürsüz?
- Normal futbol oynamaq lazımdı. Əsas odu ki, qorxmuyasan. Hər ehtimala qarşı rəqibə top verməməyə, özündə saxlamağa çalışmalısan. Elə futbol oynamaq lazımdı ki, bizə nəticə qazandırsın.
- Çoxları belə düşünür ki, Təl-Əviv “Maccabi”si hətta “Dinamo”dan da güclüdü...
- Rəqibləri gücünə görə müqayisə etməyəcəm. “Maccabi” heç də potensial rəqiblər arasındakı ən təhlükəlisi deyil. Onlar heç Lənkəran klubundan da üç baş üstün deyil ki, bizimkilər başlarını qaldıra bilməsinlər. Hazırlaşmaq və oynamaq lazımdı.
- “Qarabağ”ın isə indidən həm Litva “Banga”sını, həm də Farer adalarının təmsilçisini keçdiyini düşünürlər...
- “Qarabağ” təbii ki, hazırda ən azı iki mərhələ adlamağa borcludu. Çünki gözəl şansa malikdi. Amma hər şey bu komandanın necə hazır olmasından asılı olacaq. Rauf Əliyevin yoxluğu təbii ki, sözünü deyəcək. Bu problem olsa da, onun yoxluğunda da ağdamlılar həmin rəqiblərini mütləq keçməlidi.
- “Qarabağ”ın qrup mərhələsinə düşmək şanslarının daha yüksək olduğunu demək olar?
- Bu komandanın ən böyük üstünlüyü təkcə bu rəqiblərlə düşməsi yox, həm də sabit oyunu və təcrübəsidi. Avrokuboklarda təcrübə çox böyük rol oynayır. Təcrübə olan yerdə komanda özünü daha güvəncli hiss edir.
- Deməli, ümid edə bilərik ki, bu avrokuboklar mövsümü futbol tariximizdə ən yaxşısı ola bilər?
- Hər il buna ümid edirik. Bu dəfə necə olacağını zaman göstərəcək.
