24 iyun 2011 14:33
UEFA Avroliqada daha bir matçı azərbaycanlı hakimlərə tapşırdı
UEFA azərbaycanlı hakimlərə Avropa Liqasında daha bir təyinat göndərib. Azerisport.az xəbər verir ki, qitə futbol qurumu sözügedən turnirin ilkin təsnifat mərhələsinin cavab oyunları çərçivəsində iyulun 7-də keçiriləcək “Tromse” (Norveç) – “Dauqava” (Latviya) oyununu azərbaycanlı hakimlərə həvalə edib.
Belə ki, oyunu Anar Salmanovun rəhbərlik etdiyi hakimlər briqadası idarə edəcək. Ona bu işdə baş hakimin köməkçiləri Mehman Mahmudovla Zeynal Zeynalov yardım edəcək. Dördüncü hakim funksiyasını isə Rauf Cabbarov yerinə yetirəcək.
Qeyd edək ki, bu, artıq UEFA-nın Avroliqanın yeni mövsümündə azərbaycanlı hakimlərə üçüncü etimadıdı. Belə ki, Salmanovdan öncə digər FİFA referilərimiz – Fariz Yusifovla Vüsal Əliyevə də Avropa Liqasının oyunlarına təyinat gəlmişdi.
