24 iyun 2011 15:01
İrmantas Zelmikas: Məqsədimiz Qarabağ`ı məğlub etməkdi
Litvanın “Banga” klubunun liderlərindən olan müdafiəçi İrmantas Zelmikas azerisport.az saytına müsahibəsində Avropa Liqasındakı rəqibləri olan Azərbaycan “Qarabağ” klubu ilə mübarizədəki şanslarından danışıb.
- “Qarabağ”la oynayacağınızı eşidəndə, bunu necə qəbul etdiniz?
- Biz əlbəttə, bir qədər zəif rəqiblə düşməyimizi istəyirdik. Düzünü deyim ki, “Qarabağ”la qarşılaşmağımızı istəməzdim. Bu komanda kifayət qədər güclüdü.
- Biz əlbəttə, bir qədər zəif rəqiblə düşməyimizi istəyirdik. Düzünü deyim ki, “Qarabağ”la qarşılaşmağımızı istəməzdim. Bu komanda kifayət qədər güclüdü.
- “Qarabağ” “Banga” üçün nə dərəcədə güclü rəqibdi?
- Azərbaycan təmsilçisi artıq iki ildi avrokuboklarda uğurlu çıxış edir və qrup mərhələsinin bir addımlığında dayanır. Bu isə rəqibin nə dərəcədə ciddi olmasından xəbər verir.
- Azərbaycan təmsilçisi artıq iki ildi avrokuboklarda uğurlu çıxış edir və qrup mərhələsinin bir addımlığında dayanır. Bu isə rəqibin nə dərəcədə ciddi olmasından xəbər verir.
- Bəs bu nəticələrdən əlavə rəqibiniz haqda nə bilirsiz?
- Bizim məşqçilərimiz artıq informasiya toplamağa başlayıblar. Bildiyiniz kimi, vaxtilə ölkənizdə çıxış etmiş Qvidas Yuşka və moldovalı Ostapdan “Qarabağ”dan müəyyən şeylər öyrənmişik.
- Təsadüfən Azərbaycan klublarıyla yollarınız kəsişməyib?
- İki dəfə yollarımız kəsişib, amma elə də uğurlu olmayıb. Öncə “İnkaras”la İntertoto kubokunda 1998-ci ildə “Bakı fəhləsi”nə qarşı oynamışdım. İkinci dəfə isə Birlik Kubokunda “Kaunas”la “Neftçi”yə qarşı forma geymişdim.
- Azərbaycan klubları yadınızda necə qalıblar?
- Məsələ burasındadı ki, “İnkaras”da oynadığım dövrləri elə də yaxşı xatırlamıram. Çünki o, çoxdan olub. Amma “Neftçi” ilə oyunu xatırlayıram. Artıq neçə il ötüb. Təsəvvür edirəm ki, Azərbaycan futbolunun səviyyəsi indi necə qalxıb.
- İki dəfə məğlub olduğunuz Azərbaycan klublarından bu dəfə revanş almaq fikriniz var?
- Revanş hiss yoxdu. Amma fərqli ambisiyalar, məqsədlər var. Ən əsası odu ki, fərqli komandalardı. Aydın məsələdi ki, hər bir oyunda qələbə qazanmaq isəyirsən.
- Şansları necə dəyərləndirirsiz?
- Belə görünür ki, “Qarabağ” favoritdi. Amma necə olacaq, görəcəyik.
- Litvalı mütəxəssilər “Banga”ya heç bir şans vermir...
- Mənə bu fikirləri müzakirə etmək çətindi. Proqnoz verməyi sevmirəm. İstənilən halda hər şeyə meydanda aydınlıq gələcək.
- “Banga” nəyin sayəsində “Qarabağ”ı keçə bilər?
- Hər halda biz meydana uduzmaq üçün çıxmayacağıq. Rəqiblə sona kimi döyüşəcəyik. Sadəcə meydanda bütün gücümüzü qoymalıyıq.
- Hər halda biz meydana uduzmaq üçün çıxmayacağıq. Rəqiblə sona kimi döyüşəcəyik. Sadəcə meydanda bütün gücümüzü qoymalıyıq.
- Ümumiyyətlə, “Qarabağ”ı keçə biləcəyiniz komanda sayırsızmı?
- Bu suala cavab vermək çətindi. Mən “Banga”nı zəif komanda hesab etmirəm. Bizim məqsədimiz “Qarabağ”ı məğlub etməkdi. Növbəti mərhələyə kimin keçəcəyini isə zaman göstərəcək.
