24 iyun 2011 11:38
Bakı Uinston Parksı XL-dan oğurladı
Azərbaycan kubokunun qalibi olan “Xəzər Lənkəran”ın aparıcı hücumçusu növbəti mövsümdən “Bakı”nın şərəfini qoruyacaq. Azerisport.az xəbər verir ki, artıq ikiqat ölkə çempionu onun transferini bitirib.
Belə ki, “zolaqlılar” onun məxsus olduğu Rumıniyanın “Timişoare” klubuna 200 000 avro ödəyib. Cənub təmsilçisi isə bu məbləği ödəmək istəmədiyi üçün aparıcı hücumçusunun xidmətindən məhrum olub.
Paytaxt klubu Parksla yanaşı AZAL-ın müdafiəçisi Elvin Əliyevin də keçidini həll edib. Hər iki futbolçunun növbəti mövsümdən “zolaqlılar”ın heyətində çıxış edəcəyi dəqiqləşib.
Qeyd edək ki, Parks son mövsümdə vurduğu 8 qolla cənub təmsilçisinin heyətində ən məhsuldar oyunçu olmuşdu. 1981-ci il təvəllüdlü kosta-rikalı forvardın "Bakı"ya gedişi bakılıları gücləndirsə də, Avropa Liqasında çətin sınaq qarşısında olan digər klubumuzu - "Xəzər Lənkəran"ı çətin vəziyyətdə qoya bilər.
