25 iyun 2011 00:01
Bakı yeni mövsümə start verdi
“Bakı” dünən keçirdiyi yeganə məşqlə növbəti mövsümün hazırlıqlarına start verib. Azerisport.az xəbər verir ki, milli komandada olan 2 oyunçusu və əməliyyat keçirən Əziz Qulyev xaricində tam heyətlə məşqə çıxan “zolaqlılar” Aleksandr Starkovun rəhbərliyi altında 60 dəqiqəyə yaxın hazırlıq keçib.
Klubun təlim-məşq bazasında baş tutan məşqə yeni futbolçular Elvin Əliyev, Novruz Məmmədov və Elvin Məmmədov da qatılıblar. Əsasən yungül hərəkətlər üzərində qurulan məşq bərpa xarakreli oldu. Qrup halında çalışan futbolçuların yüksək əhval-ruhiyyədə olması diqqətlərdən yayınmadı.
Qeyd edək ki, məşqdə komandanın üç futbolçusu iştirak etməyib. Nurlan Novruzov və Rəhman Haciyev 19 yaşlılardan ibarət milli komandanın düşərgəsində olduqlarından, Əziz Quliyev isə cərrahiyyə əməliyyatı keçirməsi səbəbindən məşqdə iştirak etməyib. May ayının 25-də İzmirdə sol dizindən cərahiyyə əməliyyatı keçirən futbolçu gələn ayın 10-dan etibarən məşqlərə başlayacaq.
Komandamızın yeni üzvü Elvin Məmmədov və afrikalı yarımmüdafiəçi İbrahim Kaqbo həkim nəzarəti altında fərdi məşq keçiblər.
