25 iyun 2011 14:29
Əfran İsmayılov Litvada oyuna çıxa biləcək
“Qarabağ” Türkiyədə hazırlıqlarını davam etdirir. Azerisport.az xəbər verir ki, dünən axşam çalışması zamanı Əfran İsmayılov məşqi yarımçıq buraxmalı olmuşdu.
Topuğunda ağrı hiss edən Əfran İsmayılov dərhal Ankaraya həkim müayinəsinə aparılıb. 22 yaşlı yarımmüdafiəçinin müayinəsindən sonra Əfranın bir neçə gün məşq etməyəcəyi məlum olub.
Amma İsmayılovun “Banga” ilə ilk oyunda meydana çıxması ehtimalı yüksəkdi. Əfran klubun saytına son durumunu belə dəyərləndirib: “Məşq zamanı qaçanda topuğumda müəyyən ağrılar hiss etdim. Ayağımı yerə basanda daha çox hiss olunurdu. Amma şükür Allaha ki, müayinə zamanı ciddi bir çey çıxmadı. 2 gün istirahət etməliyəm. İnşallah, sonra məşqə başlayacam. Belə baxanda “Banga” ilə oyunda meydana çıxma ehtimalım yüksəkdi. Çox istəyirəm ki, komandamın yanımda olum. İlk oyun çox vacibdi. İnşallah, “Banga” ilə oyunda meydana çıxacam. Bunun üçün nə lazımdısa edəcəm”.
