27 iyun 2011 14:42
UEFA Dinamo – Neftçi matçının tarixini müəyyənləşdirə bilmir
UEFA-dan Azərbaycan çempionu "Neftçi" PFK-ya məktub daxil olub. Azerisport.az xəbər verir ki, məktubda Çempionlar Liqasının ikinci təsnifat mərhələsinin Zaqrebdə keçiriləcək "Dinamo" - "Neftçi" oyununun hansı gündə baş tutacağının iyunun 28-də məlum olacağı bildirilir.
Qarşılaşmanın başlanma saatının isə iyulun 1-dək dəqiqləşəcəyi qeyd edilir. Qeyd edək ki, indiyədək bu görüşün iyunun 13-də keçiriləcəyi bildirilirdi. Hər halda, sözügedən klubların hər ikisi rəsmi saytında bildirirdi ki, Zaqrebdəki ilk görüş iyulun 13-də, cavab qarşılaşması isə bir həftə sonra, iyulun 19-da Bakıda keçiriləcək.
Bu görüşə hazırlığı Bakıda davam etdirən "Neftçi" təlim-məşq toplanışı keçməkdən ötrü qarşıdakı günlərdə Avstriyaya yollanacaq.
