27 iyun 2011 15:44
Yunis Hüseynov: Onların aqibəti ilə üzləşməkdən qorxmuram
Azərbaycanlı futbol mütəxəssis Yunis Hüseynov azerisport.az saytına müsahibəsində İran klublarından aldığı təkliflərdən və qonşu ölkədə çalışmaq perspektivindən danışıb.
- Siz artıq İran klublarından aldığınız təklifə cavab vermisiz?
- Mən hələ yekun qərarımı verməmişəm. Bilmirəm, İranda işləyəcəm, ya yox. Mənə iki komanda bir illik müqavilə təklif edir. Onlardan biri Premyer Liqada çıxış edir, digəri isə birinci divizionda. Hər iki klubla danışıqlarımı davam etdirirəm. Onlar mənimlə agentim vasitəsilə əlaqə saxlayıblar. Klubların hər iki yaxşı şərtlər təklif edir.
- Mən hələ yekun qərarımı verməmişəm. Bilmirəm, İranda işləyəcəm, ya yox. Mənə iki komanda bir illik müqavilə təklif edir. Onlardan biri Premyer Liqada çıxış edir, digəri isə birinci divizionda. Hər iki klubla danışıqlarımı davam etdirirəm. Onlar mənimlə agentim vasitəsilə əlaqə saxlayıblar. Klubların hər iki yaxşı şərtlər təklif edir.
- Hazırda İran futbolunda vəziyyət nə yerdədi?
- Onlarda maliyyə cəhətdən heç bir problem yoxdu. Orda daha yaxşı pul təklif edirlər, nəinki bizdə. Premyer Liqa klubu döyüşkən kollektiv yaratmağı tələb edir. Birinci divizion klubu isə ustalıq səviyyəsini artırmağı arzulayır.
- Sizi bu qədər çox düşünməyə nə vadar edir ki?
- İrandan aldığım təklif sadəcə ailəmi düşünməyə məcbur edir. Müqavilə cəhətdən heç bir narazılığım yoxdu. Onların şərtləri məni tam qane dir. Sadəcə, mən öz ailəmi burda qoyub, sərhəddən kənarda çalışmaq bir qədər ağır gəlir. Həm də tez-tez gedib-gəlmək mənlik deyil.
- Bəlkə ölkədən kənarda çalışmağın çətinliyindən ehtiyatlanırsız?
- Hesab edirəm ki, azərbaycanlı məşqçilərin ölkədən kənarda iş təcrübəsi olmalıdı. Təkcə İranda yox, həm də digər ölkələrdə. Amma hələ öz yekun qərarımı verə bilmirəm.
- Vaxtilə İranda Böyükağa Hacıyev də işləyib və orda çalışmağın çətin olduğunu söyləyib...
- Mən işdən qorxmuram. Buna görə də istənilən halda razılaşacam. Fikrimcə, İranda uğur qazanmaq da olar.
- Amma məsələn Ramiz Məmmədovda Qazaxıstan karyerası alınmadı...
- Bu, dəqiq müqayisə ola bilməz. Hər bir məşqçinin öz iş üslubu, nəticəsi var. Məndə hər şey başqa cürdü. Mən Hacıyevlə Məmmədovun aqibətini yaşayacağımdan qorxmuram.
- İrana kimlərlə getməyi düşünürsüz?
- Mənim köməkçilərim Nadir Şükürovla Zakir Mahmudov olacaq. Həftəsonuna kimi yəqin ki, hər şeyə aydınlıq gələcək.
