28 iyun 2011 13:42
Bakı`nın Zaqreb Dinamo`su ilə oyunu baş tutacaq
“Bakı”nın Xorvatiya “Dinamo”su (Zaqreb) ilə yoxlama oyunu təxirə salınmayacaq. Azerisport.az xəbər verir ki, UEFA Çempionlar Liqasının ikinci təsnifat mərhələsində Azərbaycan çempionu “Neftçi”nin rəqibi olan Zaqreb təmsilçisi ilə “zolaqlılar” arasına nəzərdə tutulan yoxlama oyunu baş tutacaq.
Qeyd edək ki, bir neçə gün öncə “Dinamo”nun rəsmi saytı bu görüşün keçirilməyəcəyi ilə bağlı xəbər yaymışdı. Onlar bunu digər Azərbaycan klubu “Neftçi” ilə ÇL-də üz-üzə gələcəkləri ilə əlaqələndirmişdilər. Lakin sonradan tərəflər bu matçı keçirməkdən imtina etməməklə bağlı razılığa gəliblər.
Oyunun əvvəlcədən nəzərdə tutulduğu kimi, iyulun 5-də Sloveniyadakı hazırlıq prosesi çərçivəsində keçirilməsi planlaşdırılır. “Neftçi” ilə ilk qarşılaşma isə iyulun 12 və ya 13-də, Zaqrebdə baş tutacaq.
