28 iyun 2011 01:51
Bakı`ya qayıtdı, qızıl dubldan dəm vurdu
Bu mövsüm yenidən “Bakı”nın heyətinə qayıdan müdafiəçi Elvin Əliyev qarşıdan gələn mövsüm və gələcək planları barədə klubun rəsmi saytına fikirlərini bildirib. Azerisport.az xəbər verir ki, son mövsümü AZAL-da keçirmiş təcrübəli futbolçu bunları dilə gətirib:
“Bakı” mənim doğma komandamdı və bura qayıtdığıma görə çox şadam. Burada iki il forma geymişəm və “Bakı” formasında böyük uğurlara imza atmışıq.
Hazırda qarşımda duran əsas məqdəs məşqçinin inamını qazanıb, əsas heyətə düşməkdi. Bu məqsədə çatdıqdan sonra Azərbaycan Premyer Liqasında uğurlu çıxış edib, həm kubok, həm də çempionluğu qazanmaq istəyirəm.
İndi yeni futbolçularla güclənən və həmişə iddialı olan “Bakı”nın yeni heyəti qurulur. İnanıram ki, gələn mövsümü qızıl dublla yekunlaşdıracağıq”.
