28 iyun 2011 15:02
Minskin baş məşqçisinin taleyi AZAL-ın əlində
Belarus mətbuatı ölkə çempionatında çıxış edən klubların qovulmaq təhlükəsi ilə üz-üzə olan baş məşqçiləri ilə bağlı siyahı hazırlayıb. Azerisport.az xəbər verir ki, onların arasında “Minsk”in baş məşqçisi Vitali Tarakanov da var.
Qeyd edək ki, bu komanda UEFA Avropa Liqasının birinci təsnifat mərhələsi çərçivəsində Azərbaycanın AZAL klubu ilə rəqibdi. Belaruslu həmkarlarımız isə paytaxt klubunun çalışdırıcısı Tarakanovun komandamıza uduzacağı və mərhələ adlaya bilməyəcəkləri halda postundan qovulacağını iddia edirlər.
“Minsk” ən möhkəm büdcəyə malik olan klublardan biridi. Bunu heyətə də aid etmək olar. Amma turdan-tura komanda medal qazanmaq şansını azaldır. Tarakanov hələlik işləməyə davam edir. Amma böyük ehtimalla onun aqibəti “Minsk”in avrokuboklardakı debütünün necə alınmasından asılı olacaq. Artıq çərşənbə axşamı komandanı Bakıda oyun gözləyir. Amma bu komanda ilə oyun komandamız üçün heç də asan gəzinti olmayacaq”.
