28 iyun 2011 18:16
Deyvidas Çesnauskis: Azərbaycana gəlməyin əleyhinə deyiləm
Litva yığmasının və Yunanıstanın “Aris” klubunun yarımmüdafiəçisi Deyvidas Çesnauskis azerisport.az saytına müsahibəsində “Bakı”ya keçmək perspektivindən danışıb.
- Azərbaycan “Bakı” klubuna keçəcəyinizə dair xəbərlər yayılmaqdadı. Bunlar nə dərəcədə doğrudu?
- Mən hələ heç yerə keçməyə hazırlaşmıram. Məsələ burasındadı ki, mənim Yunanıstan klubuyla iki illik müqaviləm var.
- Mən hələ heç yerə keçməyə hazırlaşmıram. Məsələ burasındadı ki, mənim Yunanıstan klubuyla iki illik müqaviləm var.
- Bəs elə isə bu şayiələr hardan qaynaqlanır?
- Mümkündü ki, hər şey agentlər səviyyəsində həll olunsun.
- Mümkündü ki, hər şey agentlər səviyyəsində həll olunsun.
- Deməli, təklif almısız?
- Şəxsən mənə təklif irəli sürülməyib. Amma menecerimlə danışıqlar aparılır. Hələlik konkret heç nə yoxdu.
- Şəxsən mənə təklif irəli sürülməyib. Amma menecerimlə danışıqlar aparılır. Hələlik konkret heç nə yoxdu.
- Bəs belə bir variant olsa, sizin üçün nə dərəcədə maraqlı olar?
- Əgər sərfəli təklif olarsa, niyə də olmasın? Amma hələ mənim klubumla problemi yoluna qoymaq lazımdı.
- Əgər sərfəli təklif olarsa, niyə də olmasın? Amma hələ mənim klubumla problemi yoluna qoymaq lazımdı.
- Bəs Azərbaycan futbolu və çempionatı haqda hansısa informasiyanız varmı?
- Litvadan olan Robertas Poşkusu və digər legionerləri tanıyıram. Nələrsə bilirəm, amma özüm nəsə görməmişəm. Azərbaycan futbolunun son illər inkişafda olduğundan da xəbərim var. Əlbəttə, mən də Azərbaycana gəlməyin əleyhinə deyiləm və məmnuniyyətlə sizin çempionatda top qovaram.
- Bu çərşənbə axşamı Azərbaycanın “Qarabağ” klubu Avropa Liqasının birinci təsnifat mərhələsində Litva “Banga”sıyla üz-üzə gələcək? Nə gözləyirsiz?
- Cavab vermək çətindi. Əlbəttə, “Banga”nın qələbəsini görmək istərdim. Axı bu, Litva komandasıdı (gülür). Sadəcə, fikrimcə, “Qarabağ” daha güclüdü. Üstəlik Azərbaycanda mövsümlərarası fasilə olduğundan komanda iki həftədi hazırlıq keçir. “Banga” isə yarım ildi çıxış edir. Kim bilir, bəlkə bizimkilər daha hazırlıqlı oldular.
- Cavab vermək çətindi. Əlbəttə, “Banga”nın qələbəsini görmək istərdim. Axı bu, Litva komandasıdı (gülür). Sadəcə, fikrimcə, “Qarabağ” daha güclüdü. Üstəlik Azərbaycanda mövsümlərarası fasilə olduğundan komanda iki həftədi hazırlıq keçir. “Banga” isə yarım ildi çıxış edir. Kim bilir, bəlkə bizimkilər daha hazırlıqlı oldular.
