28 iyun 2011 21:12
AZAL-ın bombarirdi Avroliqada Qarabağ`a qarşı
AZAL-ın sabiq hücumçusu UEFA Avropa Liqasının birinci təsnifat mərhələsi çərçivəsində iyunun 30-da Azərbaycan təmsilçisi “Qarabağ”a qarşı forma geyə bilər. Azerisport.az xəbər verir ki, o, bu şansı Litvanın “Banga” klubunun heyətində qazanmaq imkanın malikdi.
Məsələ burasındadı ki, “təyyarəçilər”in sabiq litvalı forvardı yayda vətəninə döndükdən sonra məhz bu komandayla danışıqlar aparıb və “Banga”nın hazırlıqlarında iştirak edib. İndi Qarqjday klubunun rəhbərliyi Yuşkanın sənədlərini tam hazır etməyə çalışırlar. Onun sifariş edilməsi mümkün olsa, o zaman AZAL-ın sabiq hücumçusu yenidən “Qarabağ”a qarşı forma geymiş olacaq.
Qeyd edək ki, “Banga” və “Qarabağ” arasında ilk oyun iyunun 30-da, cavab görüşü isə iyulun 7-də baş tutacaq. Yuşkanın Azərbaycan Premyer Liqasının son mövsümündə vurduğu 10 qolla AZAL-ın ən məhsuldar hücumçusu olduğunu da vurğulayaq. Lakin buna rəğmən Nazim Süleymanov onu komandada saxlamaq istəməmişdi.
