29 iyun 2011 00:45
Püşkatmada bəxti gətirməyən əsas klubumuz müəyyənləşdi
Azerisport.az növbəti sorğusuna yekun vurub. Belə ki, “avrokubokların püşkatmasında daha çox kimin bəxti gətirmədi” sualı ilə müraciət etdiyimiz oxucularımızın yekun rəyi artıq məlumdu.
Futbolsevərlərimizin fikrincə avrokubokların 2011/12 mövsümünün ilk püşkatmasında daha çox bəxti gətirməyən Azərbaycan çempionu “Neftçi” olub. Azarkeşlər UEFA Çempionlar Liqasının ikinci təsnifat mərhələsində komandamıza rəqib olan Xorvatiyanın “Dinamo” klubunun ən uğursuz rəqib olduğu qənaətindədilər. Hər halda respondentlərin 41 faizi (505 səs) məhz bu varianta səs verib.
Avropa Liqasının ikinci təsnifat mərhələsindən mübarizəyə başlayacaq Azərbaycan kubokunun qalibi “Xəzər Lənkəran”ın da İsrailin “Maccabi” klubuyla düşməsi əsas bəxtsizliklərdən hesab olunur. Belə ki, Təl-Əviv klubuyla qarşılaşacaq cənubluların bəxtinin gətirmədiyini düşünənlər də 38 faiz (465 səs) təşkil edib.
Avroliqanın birinci təsnifat mərhələsində Litva “Banga”sı, onu keçəcəyi halda isə Farer adalarının “Streymur” klubuyla üz-üzə gələcək “Qarabağ”ın da bəxtinin gətirmədiyini iddia edənlər var – 10 faiz (120 səs). Bu mənada ən çox bəxti gətirən klub kimi AZAL göstərilib ki, bunun da nə dərəcədə ədalətli olduğuna sizlərin qərar verməsi yaxşı olardı – 4 faiz (50 səs).
