28 iyun 2011 11:56
Jaba: Aleksandr Starkovla problemim var idi
“Bakı”nın braziliyalı sabiq hücumçusu Jaba azerisport.az saytının suallarını cavablandırıb.
- Biz düşünürdük ki, siz bir daha Bakıya qayıtmazsız...
- Mənim keçmiş klubumla həll olunmamış bəzi məsələlərim qalıb. Düşünürəm ki, qısa zaman kəsiyində həmin problemləri yoluna qoya bilə və Azərbaycanı tərk edə biləcəyəm. Əslində, düşünürdüm ki, yeni mövsümə də “Bakı”da başlayacam. Amma klub rəhbərliyi onlara lazım olmadığım haqda qərar çıxardı. Belədə mənə də əşyalarımı toplamaq qaldı.
- Buna nə səbəb oldu ki?
- Yeganə səbəb Aleksandr Starkovdu. Bu, onun qərarıdı. Mən də onun bu qərarına hörmətlə yanaşmağa borcluyam.
- Yeganə səbəb Aleksandr Starkovdu. Bu, onun qərarıdı. Mən də onun bu qərarına hörmətlə yanaşmağa borcluyam.
- Sizin onunla probleminiz vardı?
- Gizlətmirəm, Starkovla problemim var idi. Biz bir-birimizi başa düşə bilmədik. Mən özümü yaxşı tərəfdən göstərmək, qol vurmaq istəyirdim. Komandadakı birinci mövsümümdə bombardir olmağı bacardım. Hətta Starkov gələndən sonra da qollar vururdum. Məhz mənim vurduğum qol komandanı birinci altılığa çıxarmışdı. Bundan artıq nə edə bilərdim ki? “Bakı” təkcə Jabadan ibarət deyildi.
- Gizlətmirəm, Starkovla problemim var idi. Biz bir-birimizi başa düşə bilmədik. Mən özümü yaxşı tərəfdən göstərmək, qol vurmaq istəyirdim. Komandadakı birinci mövsümümdə bombardir olmağı bacardım. Hətta Starkov gələndən sonra da qollar vururdum. Məhz mənim vurduğum qol komandanı birinci altılığa çıxarmışdı. Bundan artıq nə edə bilərdim ki? “Bakı” təkcə Jabadan ibarət deyildi.
- Bəlkə məsələ sizin intizama riayətinizlə əlaqədardı?
- Mümkündü. Amma günahkar tək mən deyiləm. “Bakı”nın məşqlərinə baxın və görün ki, komandada nələr baş verir. İntizam həqiqətən korlanıb.
- Bakı səfərinizdə kiminlə görüşməyə hazırlaşırsız?
- Klub prezidenti Hafiz Məmmədovla. Müqavilənin pozulması ilə əlaqədar detalları müzakirə edəcəyik. Mənim hələ bir illik müqaviləm var idi. Buna görə kompensasiya xahiş edəcəm.
- Klub prezidenti Hafiz Məmmədovla. Müqavilənin pozulması ilə əlaqədar detalları müzakirə edəcəyik. Mənim hələ bir illik müqaviləm var idi. Buna görə kompensasiya xahiş edəcəm.
- Karyeranızı harda davam etdirmək istəyirsiz?
- Yanvarda mənim Türkiyəyə getmək variantım var idi. Braziliyaya da qayıda bilərdim. Amma indi dəvət yoxdu. Hazırda mənimçün başlıca məqsəd “Bakı” ilə tam üzülüşməkdi. Hər halda Azərbaycandan xoş əhval-ruhiyyə ilə ayrılıram.
- Yanvarda mənim Türkiyəyə getmək variantım var idi. Braziliyaya da qayıda bilərdim. Amma indi dəvət yoxdu. Hazırda mənimçün başlıca məqsəd “Bakı” ilə tam üzülüşməkdi. Hər halda Azərbaycandan xoş əhval-ruhiyyə ilə ayrılıram.
- “Bakı”nın növbəti mövsümdə uğur qazanmaq şanslarını necə dəyərləndirirsiz?
- Bilmirəm onlar kimlərlə güclənməyi hədəfləyirlər. Buna görə də heç nə deyə bilmərəm. Hər şeyi zaman göstərəcək.
