29 iyun 2011 16:23
Bakılı Premyer Liqaya qayıdır
Birinci divizionu ötən mövsüm çempion kimi tamamlayan və nəticədə Premyer Liqaya yüksələn “Abşeron”un dağılmasından sonra Peşəkar Futbol Liqası elitada oynayacaq başqa komanda axtarışlarına başlayıb. Azerisport.az xəbər verir ki, bu mənada daha çox “Bakılı”nın şansları yüksək qiymətləndirilir.
Bu komandanın elitaya dönüşünün mümkünlüyünü PFL prezidenti Ramin Musayev də saytımıza açıqlamasında təsdiqləyib: “Hazırda bu məsələnin həlli ilə məşğuluq. Sadəcə, hələ yekun qərar verilməyib. Əgər PFL qərar versə, o zaman “Bakı”lı Premyer Liqada oynamağa hazırdı. Biz də onlarla işbirliyinə hazırıq. Təbii ki, "Abşeron"a mütləq əvəzləyici tapılmlıdı. Bu üzdən də elitada oynamaq istəyən klublara müraciət etmişik. Kim özünü hazır hesab edirsə, buyursun. Amma bunun üçün müvafiq zəmanət lazımdı ki, biz də buna əsasən razılıığımızı verək”.
Qeyd edək ki, elə qaydalara əsasən də "Abşeron"un imtinasından sonra məhz "Bakılı" Premyer Liqada oynamalıdı. Bu komanda son mövsümdə birinci divizionu üçüncü pillədə bitirmişdi. Elitaya çıxan digər komanda isə gümüş medalların sahibi "Rəvan"dı.
