29 iyun 2011 16:35
AZAL son anda daha bir transferi rəsmiləşdirdi
AZAL sabah "Minsk"lə keçiriləcək oyun öncəsi Avropa Liqasının birinci təsnifat mərhələsi üçün sifariş ərizəsinə daha bir futbolçunun adını əlavə edib. Azerisport.az az xəbər verir ki, "təyyarəçilər" yeni transfer etdikləri serb müdafiəçi Branislav Arseniyeviçin adını siyahıya salıblar.
Bununla da AZAL Avropa Liqasına 20 futbolçu ilə başlamaq imkanı qazanıb. Çünki öncə paytaxt klubu 19 futbolçunun adını UEFA-ya göndərmişdi.
Qeyd edək ki, Nazim Süleymanovun komandası Albaniya yığmasının üzvü Ervin Bulkunu da heyətinə qatıb. Lakin istirahətdən gec dönən futbolçunun adı sifariş ərizəsinə salınmayıb. AZAL mərhələ adlasa alban futbolçu avrokuboklarda çıxış etmək imkanı qazanacaq.
Beləliklə, AZAL birinci təsnifat mərhələsində bu futbolçularla mübarizə aparacaq:
Qapıçılar: 12. Cahangir Həsənzadə, 1. Amil Ağacanov;
Müdafiəçilər: 2. Robert Petrov, 5. Aqil Nəbiyev, 3. Usim Nduka, 6. Ritus Krjauklis, 21. Branislav Arseniyeviç;
Yarımmüdafiəçilər: 20. Mansur Limani, 17. Viktor İqbekoyi, 23. Pius İkedia, 7. Tərlan Xəlilov, 9. Vüsal Qarayev, 19. Hüseyn Axundov, 22. Elgün Abbaslı;
Hücumçular: 18. Cavid Rəhimov, 11. Zohair Benouahi, 24. Enyo Krastovçev, 8. Elşən Məmmədov, 10. Nuqzar Kvirtiya, 14. Orxan Səfiyaroğlu.
