29 iyun 2011 10:56
Bakı`nın sabiq baş məşqçisi Xəzər Lənkəranda
“Xəzər Lənkəran” Futbol Klubuna yeni idman direktoru təyin edilib. Azerisport.az xəbər verir ki, bundan sonra komandanın aşağı yaş qruplarına rəhbərliyi türkiyəli mütəxəssis Cüneyt Biçər həyata keçirəcək.
35 yaşı olan gənc mütəxəssis "Pazarspor", "Muğlaspor" və "Bucaspor İzmir" klublarında çalışıb. Çalışdırcının son iş yeri isə Türkiyənin “Altay” Futbol Klubu olub. Geridəqalan mövsümdə Biçər orada baş məşqçinin köməkçisi vəzifəsində çalışıb.
Məşqçinin artıq ölkəmizdə iş təcrübəsi olduğunu da qeyd edək. Belə ki, o, “Bakı” Futbol Klubunda uşaq-yeniyetmə komandalarının baş koordinatorunun köməkçisi və həmçinin bir müddət baş məşqçi vəzifəsində işləyib.
"Xəzər Lənkəran"la Cüneyt Biçər arasında iki illik müqavilə imzalanıb.
