30 iyun 2011 01:32
Arminas Narbekovas: Qarabağ`la evdə heç-heçə bizə də sərf edə bilər
Litvanın “Banga” klubunun baş məşqçisi Arminas Narbekovas Avropa Liqasının birinci təsnifat mərhələsi çərçivəsində “Qarabağ”la bu günkü ev oyunu öncəsi azerisport.az saytının suallarını cavablandırıb:
- “Qarabağ”la oyundan nə gözləyirsiz?
- Biz yenicə “Jalgiris”lə oynamışdıq. İndi isə “Qarabağ”la matça çıxmalıyıq. Amma digər tərəfdən bu, həm də yaxşıdı.
- Biz yenicə “Jalgiris”lə oynamışdıq. İndi isə “Qarabağ”la matça çıxmalıyıq. Amma digər tərəfdən bu, həm də yaxşıdı.
- Deməli, “Jalgiris”ə məğlubiyyət sizin kefinizi pozmayıb?
- Çempionat oyunlarını demək olar ki, hamımız unutmuşuq. Fikrimcə, indi ancaq bu oyuna motivasiya olmalıyıq.
- Sizin son oyununuzu “Qarabağ”ın rəsmisi də izləyib...
- Burda prinsipcə ciddi bir şey yoxdu. Biz onsuz da yaxşı oynamadıq. Məşqçi isə oyunçularımıza baxmağa gəlmişdi. Amma düşünürəm ki, futbolçular hər oyunda fərqli futbol sərgiləyirlər. Bir oyuna görə qərar vermək çətindi.
- Komandanızın kapitanı oynaya biləcək?
- O, son günlərdə zədə üzündən məşq edə bilmir. Onun durumuna matç ərəfəsində aydınlıq gələcək. Əgər məşq edə bilməsə, deməli, oynaya bilməyəcək.
- Bu, sizin üçün böyük itki deyil?
- O, komandaya lazım olan futbolçudu. Amma belə zədə olarkən heç nə etmək olmur. Heç kim bundan sığortalanmayıb. Həyat belədi.
- Dolu tribuna və süni örtük amili “Banga”ya kömək edə bilər?
- Fikrimcə, müəyyən qədər köməyi dəyə bilər. Biz hələ dolu stadionda oynamamışıq. Amma yaxşı oyunçu üçün necə meydançada oynamağın elə də fərqi olmamalıdı.
- “Qarabağ” ən azı qollu heç-heçəyə ümid edir. Bəs sizi bu, qane edəcək?
- Bizə də heç-heçə sərf edə bilər. Amma yalnız qolsuz olacağı halda.
