30 iyun 2011 11:24
Xəzər Lənkəran həvəskarlara belə dərs keçdi (FOTOLAR)
Avstriyada təlim məşq toplanışını davam etdirən “Xəzər Lənkəran” gündə iki dəfə olmaqla hazırlığını davam etdirir. Xəbər verdiyimiz kimi, dünən komanda yoxlama oyunu çərçivəsində məskunlaşdığı Fulpmes şəhərinin eyni adlı həvəskarlar liqasında çıxış edən komadası ilə qarşılaşıb. Gözlənildiyi kimi, matç boyu rəqibindən üstün olan cənublular yerli komandanı demək olar ki, topsuz qoymaqla darmadağına imza atıb. Rahid Əmirquliyev və komandamın heyətində baxışda olan Borbeli Çaba het-trikə imza atdığı halda, yeni transferlər Tosin Dosunmu və Marius Onofranş hərəyə bir dəfə fərqləniblər. Digər qolları isə Alim Qurbanov (dubl), Elnur Abdullayev və baxışda olan Hadişan rəqib qapısından keçirməklə 12:0 hesablı sonluğa imza atıblar. Azerisport.az həmin oyundan bəzi görüntüləri sizə təqdim edir.
