30 iyun 2011 00:43
Ektor Kuper yenidən La Liqa klubunda
Argentinalı tanınmış mütəxəssis Ektor Kuper özünə yeni iş yeri tapıb. Azerisport.az xəbər verir ki, o, 4 illik fasilədən sonra yenidən İspaniyaya qayıdıb.
Belə ki, Kuper bundan sonra “Racing”i çalışdıracaq. Təcrübəli mütəxəssis Santander klubu ilə rəsmi müqavilə də imzalayıb və bu haqda ictimaiyyətə açıqlama verilib.
55 yaşlı Kuperin karyerası ərzində İspaniyanın “Mallorca”, “Valencia”, İtaliyanın “İnter”, “Parma” kimi klublarında çalışdığını qeyd edək. O, son olaraq 2007-2008 mövsümündə La Liqada “Real”da (Betis) çalışmışdı.
Argentinalı mütəxəssisin son iş yeri isə Yunanistanın “Aris” klubu idi. Kuper son iki mövsümdə məhz bu komandanı çalışdırırdı.
