30 iyun 2011 00:54
Azərbaycan DÇ-2014-ün püşkatması üçün səbətini tanıdı
Azərbaycan yığmasının DÇ-2014-ün püşkatma mərasimində hansı səbətdə yer alacağı tam dəqiqləşib. Azerisport.az xəbər verir ki, komandamız öncədən də gözlənildiyi kimi, beşinci səbətdəki yerini qoruyacaq.
Qeyd edək ki, Berti Foqtsun komandasının Astanada Qazaxıstana məğlubiyyətindən sonra millimizin 5-ci səbətdəki yerini itirəcəyi qorxusu yaranmışdı. Lakin dünən açıqlanan FİFA-nın iyul ayı üçün reytinq cədvəlinə əsasən belə bir ciddi dəyişikliyin olmayacağı dəqiqləşib. Beləliklə, Qazaxıstan sonuncu, Azərbaycan isə elə beşinci səbətdə qalıb.
DÇ-2014-ün püşkatmasında səbətlərin tam tərkibi isə belə olacaq:
1-ci səbət: İspaniya, Hollandiya, Almaniya, İngiltərə, Portuqaliya, İtaliya, Xorvatiya, Norveç, Yunanıstan.
2-ci səbət: Serbiya, Sloveniya, Rusiya, Fransa, Çernoqoriya, Türkiyə, Slovakiya, İsveç, Danimarka.
3-cü səbət: İsveçrə, Çexiya, İsrail, İrlandiya, Ukrayna, Belçika, Bosniya və Herseqovina, Belarus, Macarıstan.
4-cü səbət: Bolqarıstan, Rumıniya, Gürcüstan, Litva, Albaniya, Şotlandiya, Şimali İrlandiya, Avstriya, Polşa.
5-ci səbət: Ermənistan, Estoniya, Finlandiya, Kipr, Latviya, Moldova, Makedoniya, Azərbaycan, Uels.
6-cı səbət: Farer adaları, Lixtenşteyn, İslandiya, Qazaxıstan, Lüksemburq, Malta, Andorra, San-Marino.
Sonda onu da qeyd edək ki, DÇ-2014-ün püşkatması iyulun 30-da Braziliyanın Rio-de-Janeyro şəhərində baş tutacaq.
