1 iyul 2011 01:36
Sadıqov: Bilirdik ki, öz oyumuz alınsa, istədiyimiz nəticə gələcək
“Qarabağ”ın liderlərindən olan Rəşad Sadıqov UEFA Avropa Liqasının birinci təsnifat mərhələsinin Litva “Banga”sı ilə səfər matçından sonra (0:4) azerisport.az saytının suallarını cavablandırıb.
- Matçla bağlı nə deyərdiniz?
- Bütün uşaqları qələbə münasibətilə təbrik edirəm. Mətbuat və digərləri öz açıqlamaları ilə uşaqları bir qədər arxayınlaşdırırdı. Amma yaxşı ki, oyuna lazımi şəkildə köklənə bilmişdik. Səfər oyununa ciddi yanaşırdıq və uğurlu nəticə qazana bildik. Mövsümdəki ilk oyunumuz olsa da, böyükhesablı qələbəyə imza atdıq.
- Bütün uşaqları qələbə münasibətilə təbrik edirəm. Mətbuat və digərləri öz açıqlamaları ilə uşaqları bir qədər arxayınlaşdırırdı. Amma yaxşı ki, oyuna lazımi şəkildə köklənə bilmişdik. Səfər oyununa ciddi yanaşırdıq və uğurlu nəticə qazana bildik. Mövsümdəki ilk oyunumuz olsa da, böyükhesablı qələbəyə imza atdıq.
- Belə qələbəyə imza atmağınıza nə şərait yaratdı?
- Biz daha çox öz oyunumuz haqda düşünürdük. Bilirdik ki, öz oyumuz alınsa, istədiyimiz nəticə də gələcək. Allaha şükür ki, belə də oldu. Həm də rəqibi yaxşı analiz etmişdik, zəif cəhətlərini bilirdik.
- Hələ indiyə qədər heç bir Azərbaycan klubu avrokuboklarda səfərdə dörd qol vura bilməmişdi...
- Düzünü deyim ki, mən özüm də belə hesabla qələbə qazanacağımızı gözləmirdim.
- Süni örtükdə oynamağınız mane olmurdu?
- Əlbəttə, bir qədər çətin idi. Amma zamanla bizim çətinliklərimiz geridə qaldı.
- Cavab oyununa bir şey qalmadı...
- Biz yolumuza hələ indi başlayırıq. Hər bir oyuna xüsusi köklənməyimiz lazımdı. Bu mərhələdən sonra bizi başqa oyun gözləyir. Bizə isə forma yığmaq lazımdı. Qarqjdaydakı oyun bizim üçün mövsümün ilk matçı idi.
- “Qarabağ”ın ikinci mərhələyə adlamasına şübhəniz qalıb?
- İstənilən halda Bakıdakı oyunu gözləməliyik.
- İstənilən halda Bakıdakı oyunu gözləməliyik.
