1 iyul 2011 12:22
Vaqif Cavadov: Volqa mənim keçidim üçün mümkün hər şeyi etdi
Azərbaycan milli komandasının hücumçusu Vaqif Cavadov Rusiya Premyer Liqasında mübarizə aparan Nijni Novqorod “Volqa”sına transferi ilə bağlı müsahibə verib. Azerisport.az həmin müsahibə ilə sizi də tanış edir.
- Vaqif, yəqin ki, bu gün zənglər səni bezdirib...
- Elədi ki, var. Dostlar, tanışlar zəng vururlar. Karyeramdakı növbəti mərhələ münasibətilə təbrik edirlər. Özüm də şadam.
- “Volqa”ya keçidin necə alındı?
- Bu komandadan daha öncə də təklif almışdım. Amma bu dəfəki təklifi dəyərləndirməyə bilməzdim. Nijni Novqorod klubu mənim keçidim üçün mümkün hər şeyi etdi. Həm ötən, həm də bu mövsüm Rusiyanın digər klublarından təkliflər var idi. Amma “Volqa”nın təklifi daha konkret idi. Həm də mən özüm buna hazır olduğumu düşündüm.
- Bu komandadan daha öncə də təklif almışdım. Amma bu dəfəki təklifi dəyərləndirməyə bilməzdim. Nijni Novqorod klubu mənim keçidim üçün mümkün hər şeyi etdi. Həm ötən, həm də bu mövsüm Rusiyanın digər klublarından təkliflər var idi. Amma “Volqa”nın təklifi daha konkret idi. Həm də mən özüm buna hazır olduğumu düşündüm.
- CSKA-nın əvəzedici komandasında oynadıqdan sonra Rusiyada çıxış etməmisiz. Rusiya Premyer Liqasında özünü göstərmək imkanını necə qarşıladınız?
- Əgər marağım olmasaydı, Rusiyaya qayıtmazdım. Belə bir imkan yarandığına görə çox şadam. Bundan mümkün qədər yaxşı istifadə etməyə çalışacağam. “Volqa”da səviyyəmin artacağına güvənirəm. Bundan əlavə hiss edirəm ki, yeni komandama lazımam. Xüsusilə də indiki vaxtında.
- Hollandiya çempionatı da güclü turnirdi. Niyə alınmadı?
- Hollandiyaya transferimdən cəmi bir həftə sonra dizimdən zədə aldım. Əməliyyat olundum, bundan sonra uzun müddət bərpa dövrü oldu. Formamı bərpa etmək üçün “Bakı”ya icarəyə verildim. İndi başa düşürəm ki, özümü güclü Rusiya Premyer Liqasında göstərmək üçün bütün bu prosesləri keçməliydim. Mən oynamağı çox istəyirəm.
- Funksional hazırlığını necə qiymətləndirərdiniz?
- Moskvaya gələnə kimi mən hər gün “Twente”nin heyətində gündə iki dəfə olmaqla məşqə çıxırdım. Hər şey qaydasındadı. “Volqa”nın Avstriya toplanışından sonra komandanın ilk oyununa kimi optimal forma yığacağıma inanıram.
