2 iyul 2011 16:18
Bəxtiyar Soltanov: Bakıda Banga ilə daha yaxşı oynayacağıq
“Qarabağ”ın hücumçusu Bəxtiyar Soltanov Avropa Liqasının birinci təsnifat mərhələsində Litva “Banga”sı üzərində səfər qələbəsindən (4:0) sonra azerisport.az saytına müsahibə verib.
- Bu gün yeni komandada qolla qeyd etdiyiniz debütünüz baş tutdu. İki il qabaq siz Litvada “Bakı” ilə “Ekranas”a qarşı oynamışdınız və yenə də uğur. Bu ölkə xoşunuza gəlir?
- Görünür bu belədi (gülümsəyir). Birincisi, bütün uşaqları təbrik etmək istəyirəm. İkincisi, qələbəyə töhvə verdiyim üçün çox şadam. Oyun bizim üçün uğurlu alındı. Dmək olar hər şey alınırdı. Bütün bunlar bizim hazırlığımızla bağlı idi. 2:0-dan sonra ümumiyyətlə sakit oynadıq. Qollar da gözəl alındı. Ancaq iknci qol oyunda ən gözəl idi.
- Meydana çıxacağınızı bilirdiniz?
- Mənə bu barədə deməmişdilər. Ancaq ikinci hissə başlayada dedilər ki, hazırlaşım.
- Oyunun gedişində yeni həmkarlarınızla çətinliklər hiss etmədiniz?
- Mənim hamı ilə yaxşı münasibətim var. Buna görə onlara təşəkkürlər. Eləcə də meydanda. Bununla belə mən hələ yaxşı formada deyiləm.
- Bu mövsümdə azarkeşlərə iki il qabaq “Bakı”nın heyətində avrokuboklarda çıxışı ilə yadda qalmış Bəxtiyar Soltanovun qayıdışını görə bilərik?
- Ümid edirəm. Komandaya avrokubokda və çempionatda kömək etmək istəyirəm. Düşünürəm ki, vurduğum ilk qol mənə çox şeydə kömək edəcək. İnanıram ki, “Qarabağ”da mənim üçün hər şey yaxşı olacaq.
- Sizin mövqeyinizdə yaxşı oyunçular kifayət qədərdir: Əfran İsmayılov, Giorgi Adamiya, Vüqar Nadirov, Rauf Əliyev. Belə bir rəqabətdə siz əsas heyətdə möhkəmlənə bilərsiniz?
- Sözün düzü, mənim oynayıb onların oynamayacağı barədə hətta düşünməmişəm. Əsas heyətin oyunçusu olmaq üçün çox çalışmaq lazımdı.
- Qarqjdaydə darmadağından sonra cavab görüşünə maraq itməyib?
- Qətiyyən. Bizə tez-tez belə oynamaq lazımdı. Düşünürəm ki, Bakıda daha yaxşı oynayacaq və növbəti mərhələyə keçəcəyik. Biz Azərbaycan xalqını sevindirməliyik.
