Bakı yeni mövsümə də məğlubiyyətlə başladı (YENİLƏNİB)

Sloveniyada təlim-məşq toplanışını davam etdirən “Bakı” bu gün ilk yoxlama oyununu keçirib. Azerisport.az xəbər verir ki, Bakı vaxtı ilə saat 23:00-da başlayacaq qarşılaşmada rəqib Sloveniyanın NK “Domjale” klubu olub.

 

Davor Dreçnikin rəhbərliyi altında Sloveniyalı hakimlər briqadasının idarə etdiyi oyun təmsilçimizin məğlubiyyəti ilə başa çatıb. Starkovun yetirmələri hər hissədə bir qola üzülüb.

 

Qeyd edək ki, Aleksandr Starkovun yetirmələri Sloveniyadakı ilk hazırlıq prosesi çərçivəsində daha iki belə görüşü keçirəcəklər.

Yoldaşlıq oyunu

2 iyul

 

Bakı - Domjale - 0:2 (0:1)

Qol: Juninyo, 18 (0:1), Horvat, 78 (0:2).

Vərəqə: S.Bates, 41 - sarı.

 

Bakı: 1. Marko Şarliya, 4. Vadim Borets, 15. Cəmşid Məhərrəmov, (Novruz Məmmədov, 46), 32. Aleksey Savinov, 5. Stevan Bates 20. Fabio Luis Ramim (Emin Cəfərquliyev, 60), 77. Aleksandar Soliç 6. İbrahim Karqbo, 7. Rəhman Hacıyev (Nicat Abdullayev, 57), 10. Vyaçeslav Sofroni 19. Nurlan Novruzov (Uinston Parks, 60)

Heyətdən göründüyü kimi baş məşqçi Aleksandr Starkov ilk hissədə yeni futbolçuların xidmətindən yararlanmayıb. Maris Verpakovski, Uinston Parks, Novruz Məmmədov, Elvin Məmmədov və Elvin Əliyev ehtiyat oyunçular skamyasında yer alıblar.