Neftçi Timişoara`nı məğlub etdi (YENİLƏNİB)

UEFA Çempionlar Liqasının ikinci təsnifat mərhələsində Zaqreb "Dinamo"su ilə oyunlara hazırlaşan "Neftçi" Avstriyada təlim-məşq toplanışını davam etdirir. Azerisport.az xəbər verir ki, Arif Əsədovun komandası bu gün ikinci hazırlıq prosesi çərçivəsində növbəti yoxlama oyununu keçirib.

Rəqib isə Rumıniya təmsilçisi "Timişoara" klubu olub. Əsədovun yetirmələri ardıcıl ikinci gün meydana çıxdığı görüşdə minimal hesabla qalib gəlib.

Xatırladaq ki, “Neftçi” dünən Avstriyada Albaniya çempionu “Skenderbeu” ilə də qarşılaşmış və 1:1 hesablı heç-heçəyə razılaşmışdı. “Ağ-qaralar” Türkiyə toplanışı çərçivəsində isə Ukraynanın “Metallurg” (Zaporojye) klubuna 3:0 hesabıyla qalib gəlmişdi.

Yoldaşlıq oyunu

3 iyul

Neftçi – Timişoara - 1:0 (0:0)

Qol: Mpenza, 66 (1:0).

 

"Neftçi": Rauf Mehdiyev (Saşa Stamenkoviç, 46), Ruslan Əmircanov (Rail Məlikov, 46), İqor Mitreski, Ruslan Abışov (Ruslan Qurbanov, 87), Tərlan Quliyev (Alessandro Viana da Silva, 46), Mirhüseyn Seyidov (Flavinyo, 46), Slavço Georgievski (Elmar Baxşiyev, 78), Cavid İmamverdiyev (Rodriqinyo, 46), Araz Abdullayev, Cavid Hüseynov (Rəşad Abdullayev, 46), Bahodir Nasimov (Emil Mpenza, 46).

 

Oyun başladı

5-ci dəqiqədə Mirhüseyn Seyidovun yerinə yetirdiyi cərimə zərbəsi təhlükəli alındı. Top qapıdan yan keçir

Hissənin ortalarında mübarizə əsasən meydanın mərkəzində davam edir

32-ci dəqiqədə "Timişoara"nın hücumu zamanı rəqib futbolçunun zərbəsindən sonra top qapının yanından keçir

41-ci dəqiqədə rəqib futbolçu Aleksandru Kurtianın 20 metr məsafədən zərbəsi qeyri-dəqiq alındı

Birinci hissə başa çatdı

İkinci hissə başladı

51-ci dəqiqədə Rail Məlikovun uzaq məsafədən vurduğu zərbədən sonra top qapının üstündən keçir

65-ci dəqiqədə Saşa Syamenkoviç iki dəfə ardıcıl komandamızı qoldan xilas edir

66-cı dəqiqədə Rodriqinyonun gözəl ötürməsindən sonra Mpenza hesabı açdı - 1:0

68-ci dəqiqədə "Neftçi"nin serbiyalı qolkiperi növbəti dəfə rəqibin təhlükəli zərbəsinin qarşısını alır

70-ci dəqiqədə Saşa Stamenkoviç "Neftçi"nin qapısına təyin olunan penalti zərbəsini dəf edir

"Timişoara" bu dəqiqələrdə hesabı bərabərləşdirməyə çalışır. Lakin 75-ci dəqiqədə Stamenkoviç növbəti dəfə inanılmaz reaksiya ilə qola imkan vermir

Oyun başa çatdı