4 iyul 2011 14:00
Braziliya yığması da Argentinanın aqibətini yaşadı
Argentinada keçirilən Amerika Kuboku davam edir. Azerisport.az xəbər verir ki, bu gecə turnirin üçüncü oyun günündə daha iki qarşılaşma baş tutub.
Öncə Braziliya və Venesuela yığmaları münasibətlərinə aydınlıq gətiriblər. Lakin tərəflərin çoxsaylı cəhdlərinə baxmayaraq, görüşdə hesab açılmayıb və braziliyalılar da meydan sahibləri kimi turnirə cəmi 1 xalla başlayıblar. Xatırladaq ki, Argentina da açılış matçında Boliviya ilə 1:1 hesablı sürpriz nəticəyə imza atmışdı.
Elə günün digər matçında – Paraqvay – Ekvador görüşündən də qol səsi çıxmayıb. Beləcə, B qrupunun bu dörd komandası demək olar ki, bərabər nəticə göstərərək, hər şeyin həllini növbəti oyunlara saxlayıblar.
Qeyd edək ki, bu gün turnir çərçivəsində C qrupunda yer alan komandalar qarşılaşacaq. Uruqvay Peru ilə görüşəcəksə, Çili də Meksika ilə münasibətlərinə aydınlıq gətirəcək.
B qrupu
1-ci tur
3 iyul
Braziliya – Venesuela – 0:0
Paraqvay – Ekvador – 0:0
