4 iyul 2011 14:23
XL - Maccabi matçının başlama saatı müəyyənləşdi
Azərbaycan kubokunun qalibi “Xəzər Lənkəran”ın UEFA Avropa Liqasının ikinci təsnifat mərhələsi çərçivəsindəki rəqibi “Maccabi” (Təl-Əviv) ilə cavab görüşünün də başlama saatı müəyyənləşib. Azerisport.az xəbər verir ki, İsrail klubuyla Lənkəranda baş tutacaq matçın start fiti Bakı vaxtı ilə 20:30-da səslənəcək.
Qeyd edək ki, qarşılaşma iyulun 21-də Lənkəran şəhər stadionunda baş tutacaq. Lakin hələlik görüşün baş hakiminin kim olacağı dəqiqləşməyib.
Bu komandalar arasında İsrail paytaxtında baş tutacaq ilk oyunun vaxtına gəlincə, 14 iyul tarixdə keçiriləcək həmin oyun Bakı vaxtı ilə saat 22:30 (yerli vaxtla 20:30) da başlayacaq. Qeyd edək ki, oyun “Blumfild” stadionunda keçiriləcək.
