4 iyul 2011 11:28
Mpenza: Dinamo ilə qarşılaşma Neftçi`dəki ən vacib oyunlarım olacaq
Azərbaycan çempionu “Neftçi”nin hücumçusu Emil Mpenze azerisport.az saytının suallarını cavablandırıb.
- Emil, Zaqreb “Dinamo”su ilə düşdüyünüzü eşidəndə nə düşündünüz?
- Bu komanda haqda çox şey bilməməyim haqda (gülür). Xorvatiya futbolu təbii ki, çox güclüdü. Amma rəqibimiz barədə az məlumatım var.
- İndi daha çox şey öyrənə bilmisizmi?
- Bəli. Bizə onların matçlarını izləmək də lazım gələcək. Amma analizləri təbii ki, məşqçi korpusu aparmış olacaq.
- Bəs siz bilirsiz ki, “Dinamo”nun müdafiəsi argentinalı Kufre, portuqaliyalı Tonel kimi futbolçulardan təşkil olunub?
- Həyata keçirilməyən tapşırıq, keçilməz müdafiəçi yoxdu. Mənim təcrübəmə güvənə bilərsiz.
- Təcrübəniz həqiqətən böyükdü. Amma Avropada artıq sizi unudublar...
- Çempionlar Liqasında Emil Mpenza yox, “Neftçi” oynayacaq. Mənim üçün əsas komandamın nəticəsidi. Əgər komandam qələbə qazansa, mən qol vurmasam da olar. Bunun əksi daha pis olar.
- Nə əcəb digər məqamlar haqda düşünmürsüz? Məsələn, özünüzü göstərib yenidən Belçika yığmasına qayıtmaq haqda?
- Mən bu haqda fikirləşmirəm. Mənim əsas məqsədim komandamla Çempionlar Liqasında uğurlu çıxış etməkdi.
- Mən bu haqda fikirləşmirəm. Mənim əsas məqsədim komandamla Çempionlar Liqasında uğurlu çıxış etməkdi.
- Azərbaycan çempionatında elə də çox qol vura bilmirdiz. ÇL-də daha çox fərqlənəcəyinizə zəmanət var?
- Futbolda zəmanət olmur. Mən sadəcə onu söz verə bilərəm ki, bunun üçün mümkün hər şeyi edəcəm. Mən özüm də çıxışımdan narazıyam. Amma mənim ötən mövsümkü uğursuz çıxışımı unutdurmaq şansım var.
- Bir neçə il öncə “Dinamo” Çempionlar Liqasında “Neftçi”nin əsas rəqibi “Xəzər Lənkəran”la da qarşılaşmışdı. Xorvatlar yalnız əlavə vaxtda qələbə qazana bilmişdilər. Düşünmürsüz ki, azarkeşlər iki Azərbaycan klubunun çıxışını müqayisə etməli olacaq və bu, sizin xeyrinizə olmaya da bilər?
- Belə müqayisə futbolda düzgün deyil. Əlbəttə, azarkeşlər belə fərziyyələr irəli sürə bilərlər. Amma inanıram ki, futbolda olduğu kimi, azarkeşlərdə də inkişaf var. Onlar da bilirlər ki, necə çətin bir oyuna hazırlaşırıq. Bu qarşılaşma mənim üçün “Neftçi”dəki karyeramda ən vacib oyunlar olacaq.
