5 iyul 2011 22:47
XL Zagreb`ə qol vura bilmədi (YENİLƏNİB)
Avstriyada təlim-məşq toplanışında olan Azərbaycan kubokunun qalibi "Xəzər Lənkəran" bu gün növbəti yoxlama oyununa çıxıb. Azerisport.az xəbər verir ki, Lənkəran təmsilçisinin bu dəfəki rəqibi Xorvatiyanın "Zagreb" klubu olub.
Tərəflərin çoxsaylı cəhdlərinə rəğmən, görüşdə hesab açılmayıb. Beləcə, Mirça Rednikin yetirmələri qolsuz heç-heçəyə razılaşıblar.
Qeyd edək ki, bu, "Xəzər Lənkəran"ın Avstriyada 4-cü sınaq matçı idi. İlk oyunda Almaniya "Dinamo"su (Drezden) ilə heç-heçə (0:0) oyunayan lənkəranlılar ardınca Avstriyanın həvəskarlardan ibarət "Fulpmes" komandasına 12:0 hesabı ilə qalib gəlmişdi. Almaniyanın ikinci Bundesliqa klubu "İnqolştadt"la oyun isə "Xəzər Lənkəran"ın məğlubiyyəti ilə başa çatmışdı – 1:4.
Yoldaşlıq oyunu
5 iyul
Xəzər Lənkəran – Zagreb - 0:0
XƏZƏR LƏNKƏRAN: Kamran Ağayev, Elnur Allahverdiyev, Andrey Mureşan, Rahid Əmirquliyev, Eder Bonfim, Rikardo Qomeş, Julius Vobay, Marius Onofraş, Tsaba Borbeli, Joao Pinto, Ramunas Radaviçyus
