6 iyul 2011 15:03
Bosniyalı milli üzvü rəsmən XL-da (FOTO)
Avstriyada təlim məşq toplantısında olan “Xəzər Lənkəran” baxışa çağırdığı Ramunas Radaviçyusla yollarını ayırıb. Azerisport.az xəbər verir ki, dünənki sınaq matçında da şans qazanan futbolçu Mirça Rednikin ürəyincə olmayıb.
Bu üzdən də o, geri qaytarılıbı. Əvəzində bu gün cənub komandasının heyətinə yeni futbolçu qoşulub. Bu, vaxtilə Bosniya və Herseqovina millsinin üzvü olmuş Veldin Muharemovicdi.
27 yaşlı futbolçu bu gün klubun düşərgəsinə gələrək, birbaşa anlaşmaya imza atıb.
Qeyd edək ki, Muharemoviç “Sarajevo” klubunun yetirməsidi. 2003–2007 mövsümündə çıxış etdiyi bu komandada 81 oyun keçirib, 8 qola imza atıb. 2008–2010-cu illər aralığında isə “Lokeren”də çıxış edib və 34 oyuna çıxıb. Ötən ildən yenə əvvəlki klubuna “Srajevo”ya qayıdıb.
2006-cı ildə Bosniya və Herseqovinanın U-21 yığmasında 3 oyuna çıxan futbolçu növbəti ildə də əsas komandada eyni sayda oyun keçirib. (12-ci oyunçu)
