6 iyul 2011 22:28
Arminas Narbekovas: Sabah Qarabağ`la tam başqa oyun olacaq
Litvanın “Banga” klubunun baş məşqçisi Arminas Narbekovas Avropa Liqasının birinci təsnifat mərhələsi çərçivəsində sabah keçiriləcək “Qarabağ”la oyun öncəsi bu gün mətbuat konfransı keçirib. Azerisport.az həmin mətbuat konfransından reportajla sizi də tanış edir.
- Sabahkı oyundan nə gözləyirsiz?
- Bu, demək olar ki, yoldaşlıq oyunudu. Çünki biz bu oyunu artıq elə Litvada uduzmuşuq. Sabah isə bizə sadəcə öz oyunumuzu göstərmək lazımdı. İlk oyundakı kimi ağır yenilgiylə üzləşmək istəmirik. Baxmayaraq ki, nəticə elə də vacib deyil.
- “Qarabağ”da nə xoşunuza gəlib?
- Görünür ki, “Qarabağ” bizdən daha güclüdü. Maraqlı, texnikalı komandadı. Arzu edirəm ki, qrup mərhələsinə vəsiqə qazansınlar.
- Rəqibdən nə öyrənə bilmisiz?
- Elə qol vurmağı. Litva çempionatındakı son oyunumzda biz də elə qol vurduq. Hansı ki, elə bir qolu bizə ilk oyunda “Qarabağ” vurmuşdu.
- Xüsusi qeyd edə biləcəyiniz hansısa oyunçu var?
- İlk oyunda sizin futbolçular komanda oyunu göstərdilər. Nəticədə də uğur qazandırlar.
- Klub rəhbərliyi ilk oyundakı nəticənizi necə qarşıladı?
- Biz öz oyunumuzu göstərə bilmədik. Amma sabah tam başqa oyun olacaq.
- Litva və Azərbaycan futbolunun səviyyəsini necə müqayisə edərdiz?
- Bu, çox çətindi. “Qarabağ” bizim çempionatda birinci yeri tutardı. Maliyyə cəhətdən də çox böyük fərqlər var. Azərbaycan futbolu Litva ilə müqayisədə çox yüksəkdədi.
- Biz öz oyunumuzu göstərə bilmədik. Amma sabah tam başqa oyun olacaq.
- Litva və Azərbaycan futbolunun səviyyəsini necə müqayisə edərdiz?
- Bu, çox çətindi. “Qarabağ” bizim çempionatda birinci yeri tutardı. Maliyyə cəhətdən də çox böyük fərqlər var. Azərbaycan futbolu Litva ilə müqayisədə çox yüksəkdədi.
- Qarabağ regionu haqda nə bilirsiz?
- Biz rəqibimiz haqda hər şeyi bilirik. Hətta onun hansı bölgədən olduğunu da.
