7 iyul 2011 13:54
Xaçaturyanın AZAL-a qarşı oynamamasının əsl səbəbi
Belarusun “Minsk” klubunun futbolçusu Andrey Xaçaturyanın UEFA Avropa Liqasının birinci təsnifat mərhələsində onlara rəqib olan Azərbaycanın AZAL komandasına qarşı oynamamasının əsl səbəbi müəyyənləşib. Azerisport.az xəbər verir ki, bu oyunçunun komandamıza qarşı forma geyməməsinin zədə ilə bağlı olduğu bildirilsə də, əslində belə deyilmiş.
Belə ki, erməni əsilli futbolçu əslində Soliqrosk “Şaxstyor”una keçməyə hazırlaşdığından AZAL-la görüşlərdə forma geyə bilmir. Çünki qarşı tərəf “Minsk”in qarşısına belə bir şərt qoyub. Paytaxt klubu futbolçusunun xidmətindən yararlansa, o zaman Avropa Liqasının ikinci təsnifat mərhələsindən mübarizəyə başlayacaq “Şaxtyor” onu bu turnirdə oynada bilməyəcək. Məhz bu üzdən “Minsk”in erməni futbolçusu komandamızla görüşlərdə iştirak edə bilmir.
Qeyd edək ki, Xaçaturyanın Bakıya gəlməməsinin səbəbi kimi onun zədəli olması göstərilirdi. O, bu gün keçiriləcək cavab matçında da çıxış edə bilməyəcək.
