7 iyul 2011 17:22
Azərbaycan DÇ-2012 üçün rəqiblərini tanıdı
Bu gün İsveçrənin Nyon şəhərində futzal üzrə 2012-ci ildə keçiriləcək dünya çempionatının ilkin və əsas seçmə mərhələsinin püşkatma mərasimi keçirilib. Azerisport.az xəbər verir ki, püşkün nəticəsinə əsasən, Azərbaycan millisi əsas seçmə mərhələnin 5-ci qrupunda Xorvatiya, Ukrayna yığmaları və ilkin seçmə mərhələnin E qrupunda birinci yeri tutacaq komanda ilə mübarizə aparacaq.
Qeyd edək ki, ilkin seçmə mərhələnin E qrupunda Makedoniya, Çernoqoriya, Fransa və İsveçrə yığmaları yer alıb.
Xatırladaq ki, futzal üzrə dünya çempionatının əsas seçmə mərhələsində millimizin mübarizə aparacağı 5-ci qrupun oyunları dekabrın 14-dən 18-dək olan müddətdə Bakı şəhərində keçiriləcək.
İlkin seçmə mərhələ
A qrupu: Moldova, Gürcüstan, Ermənistan, Malta
B qrupu: Yunanıstan, Andorra, Bolqarıstan, Norveç
C qrupu: Latviya, Kipr, İngiltərə, San-Marino
D qrupu: Finlandiya, Türkiyə, Albaniya, Estoniya
E qrupu: Makedoniya, Fransa, Çernoqoriya, İsveçrə.
Əsas seçmə mərhələ
1-ci qrup: İspaniya, Belçika, Bosniya və Herseqovina, ilkin seçmə mərhələnin ən yaxşı göstəriciyə malik qrup ikincisi.
2-ci qrup: İtaliya, Rumıniya, Polşa, B qrupunun birincisi
3-cü qrup: Serbiya, Sloveniya, İsrail, A qrupunun birincisi
4-cü qrup: Portuqaliya, Slovakiya, Litva, ilkin seçmə mərhələnin ən yaxşı göstəriciyə malik qrup ikincisi.
5-ci qrup: Ukrayna, AZƏRBAYCAN, Xorvatiya, E qrupunun birinicisi
6-cı qrup: Çexiya, Belarus, Hollandiya, D qrupunun birincisi
7-ci qrup: Rusiya, Macarıstan, Qazaxıstan, C qrupunun qalibi
Qeyd edək ki, qara hərflərlə işarələnən komandalar qrup oyunlarına ev sahibliyi edəcək ölkələrdi.
